Airbnb kveðst hafa séð uppsveiflu í fjölda bókana að undanförnu eftir mikinn samdrátt í kjölfar COVID-19 heimsfaraldursins. Þetta kemur fram á vef mbl.is .
„Kórónuveiran hefur veitt ferðaiðnaðinum, þar á meðal Airbnb, þungt högg og það mun áfram vera mjög mikil óvissa,“ segir í tilkynningu frá fyrirtækinu í dag.
„En, bókunargögn okkar sýna að ferðalög eru að byrja að sveiflast til baka.“
Fyrirtækið bendir meðal annars á að á tímabilinu 17. maí til 6. júní hafi fleiri gistinætur verið bókaðar innan Bandaríkjanna en á sama tímabili á síðasta ári.
