UPS hraðsendingarisinn hyggst bjóða 10 milljarða evra (1.254 milljarða króna) í keppinaut sinn, TNT.
Óformlegar samrunaviðræður hafa átt sér stað á milli félaganna undanfarna daga, en hækkun olíuverðs hefur komið illa við fyrirtækin.
UPS er ásamt FedEx stærsta hraðsendingarfyrirtæki Bandaríkjanna. Bæði UPS og FedEx hafa um nokkurt skeið haft augastað á TNT.
Hjá TNT starfa 161.500 manns í yfir 200 löndum. Markaðsvirði félagsins er 9,6 milljarðar evra.
Yfirtaka á TNT myndi styrkja stöðu UPS í Evrópu verulega, en UPS hefur smám saman verið að byggja upp stöðu sína þar.
Þetta kemur fram í frétt Telegraph.