*

föstudagur, 13. desember 2019
Innlent 5. nóvember 2019 12:27

Úr plasti í pappa

Arna tekur í notkun nýjar umhverfisvænar umbúðir og minnka þannig plastnotkun um 85%.

Ritstjórn
Aðsend mynd

Arna, laktósafría mjólkurvinnslan í Bolungarvík, hefur kynnt til leiks nýjar umhverfisvænni umbúðir fyrir þykku ab mjólk sína. Pappi er aðal hráefnið í dósinni sjálfri og lokið verður úr áli, auk þess sem að plastskeið og auka plastlok eru kvödd. Þannig minnkar Arna plastnoktun um 85% miðað við hefðbundnar jógúrt eða skyrdósir. Greinir félagið frá þessu í fréttatilkynningu.

„Okkar stefna er að starfa í eins mikilli sátt við umhverfið og okkur er kostur" segir Hálfdán Óskarsson, framkvæmdarstjóri Örnu, í tilkynningunni. „Nýju umbúðirnar okkar eru að fullu endurvinnanlegar, þær fara með öðrum pappa í endurvinnslu þótt að í þeim sé nettur plast kross til styrkingar. Á næstu mánuðum hyggjumst við færa alla jógúrt og skyr framleiðslu okkar í slíkar pappaumbúðir auk þess að við skiptum öllum plastbökkum út fyrir pappabakka" bætir hann við. 

Stikkorð: Arna plast pappi