Úrval Útsýn hefur fellt niður öll bein flug til Tenerife og Kanarí frá 19. desember til 31. janúar. Félagið greinir frá þessari ákvörðun í fréttatilkynningu.
Þar segir að umrædd ákvörðun hafi verið tekin sökum þess að aðstæður á eyjunum séu ekki eins og þær venjulega eiga að vera á sólaráfangastöðum Úrvals Útsýnar. Eins hafi ekki verið hægt að tryggja nægilega þátttöku í þessum flugum. Þetta séu því aðstæður sem eru ferðaskrifstofunni að öllu óviðráðanlegar.
„Við höfðum haldið í vonina um að aðstæður myndu breytast til hins betra með komandi tíma, en nú er verið að herða reglurnar á Kanaríeyjunum og því aðstæður þar ekki beint spennandi fyrir viðskiptavini okkar," er haft eftir Þórunn Reynisdóttur, forstjóra Ferðaskrifstofu Íslands í tilkynningunni.
Að lokum segir að haft hafi verið samband við alla þá viðskiptavini sem eiga bókaða ferð út á þessum tíma. Þrátt fyrri niðurfelld bein flug til Tenerife og Kanarí haldi Úrval Útsýn áfram að aðstoða fólk með ferðirnar sínar um allan heim.