Úrvalsvísitala Kauphallar Nasdaq Iceland hækkaði um 0,90% í viðskiptum dagsins og stendur hún nú í 1613,44 stigum eftir rúmlega 600 milljóna viðskipti.
Mest velta var í viðskiptum með bréf Marel sem hækkuðu um 1,05% í 256 milljóna króna viðskiptum.
Gengi bréfa TM lækkaði um 2,65% í 18 milljóna viðskiptum og VÍS um 2,37% í 44 milljóna viðskiptum en tveir stjórnarmenn félagsins sögðu sig úr stjórn félagsins í gærkvöldi.
Gengi bréfa Eikar hækkaði um 1,75% í 94 milljóna króna viðskiptum og Regins um 1,85% í 67 milljóna veltu.
