12,7% eignarhlutur Fagfjárfestingasjóðsins ORK í orkufyrirtækinu HS Orku er kominn í söluferli og er þess vænst að hægt verði að fá allt að 8 milljarða króna fyrir hlutinn að því er Fréttablaðið greinir frá.
Eins og sagt var frá í fréttum á síðasta ári eignaðist félagið hlutinn eftir yfirtöku á skuldabréfi sem stærsti hluthafinn í félaginu, Magma Energy hafði gefið út við kaup sín í því árið 2009.
Kom yfirtakan til eftir að ekkert hafði orðið úr sölu á 30% eignarhlut HS Orku í Bláa lóninu, en sjóður í stýringu eins stærsta fjárfestingarsjóðs heims, Blackstone hafði átt hæsta tilboðið eða að andvirði 11 milljarða króna nú í hlutinn.
Beitti minnihlutafélag í eigu lífeyrissjóðanna neitunarvaldi til að stöðva söluna. Fór eignarhlutur Magma við það úr tæplega 67% í 53,9%, en það félag var þá í eigu kanadíska orkufyrirtækisins Alterra.
Eins og Viðskiptablaðið sagði frá í október var það félag síðan keypt af félaginu Innergex Renewable Energy á 116 milljarða króna í fyrra, en eignarhluturinn í HS Orku var þá talinn nema um fjórðungi verðmæta félagsins.
ORK er að mestu í eigu íslensku lífeyrissjóðanna, en sama gildir um félagið Jarðvarmi sem á 33,4% hlut, en það er í eigu 14 lífeyrissjóða. Hluthafar HS Orku hafa forkaupsrétt að hlutum í félaginu en bæði Jarðvarmi og Magma Energy hafa fallið frá honum við söluferlið sem nú er hafið. HS Orka er eina íslenska orkufélagið sem ekki er í eigu opinberra aðila.
Hér má sjá frekari fréttir um HS Orku:
- 31. október 2017 - Seldu Alterra fyrir 116 milljarða
- 5. ágúst 2017 - Lífeyrissjóðir eignast meira í HS Orku
- 3. ágúst 2017 - Segir sölukafla Bláa lónsins lokið
- 2. ágúst 2017 - Lífeyrissjóðir stöðva sölu á Bláa lóninu
- 31. júlí 2017 - Eignast 46% hlut í HS Orku
- 12. júlí 2017 - Bjóða 10 milljarða í 30% hlut í Bláa lóninu
- 1. desember 2016 - HS Orka laus undan „óhagstæðum samningi“
- 21. janúar 2013 - Íslenskir fjárfestar kaupa ekki 66,6% í HS Orku
- 29. júní 2012 - Vilja kaupa hlut Alterra Power í HS Orku
- 13. febrúar 2012 - 14 lífeyrissjóðir legga um 4,7 milljarða til HS Orku
- 12. nóvember 2011 - Magma vilja kaupa eigið skuldabréf
- 12. september 2011 - Viðræður við HS Orku um stytti leigutíma halda áfram
- 9. júní 2011 - Sala á hlut sveitarfélaga í HS Orku nánast frágengin
- 31. maí 2011 - Lífeyrissjóðir kaupa 25% hlut í HS Orku
- 27. maí 2011 - Magma vill kaupa eigið skuldabréf
- 7. mars 2011 - Magma sameinast Plutonic Power og verður Alterra Power
Leiðarar, skoðanagreinar og pistlar um HS Orku:
- 9. september 2011 - Þegar gamalt verður nýtt aftur