*

mánudagur, 11. nóvember 2019
Fólk 5. nóvember 2019 09:22

Valdimar nýr fjármálastjóri Heimkaup.is

Valdimar Karl Sigurðsson, viðskiptafræðingur, hefur verið ráðinn fjármálastjóri Wedo ehf.

Ritstjórn
Aðsend mynd

Valdimar Karl Sigurðsson, viðskiptafræðingur, hefur verið ráðinn fjármálastjóri hjá Wedo ehf. sem rekur vefverslunina Heimkaup.is, Hópkaup og Bland. Greint er frá þessu í fréttatilkynningu.

Í tilkynningunni segir að ráðning Valdimars sé liður í að styrkja innviði Wedo til að takast á við þann mikla vöxt sem verið hefur hjá félaginu á síðustu árum og sem stefnt sé að á næstu árum. Valdimar hefur síðustu rúm níu ár starfað hjá endurskoðunar- og ráðgjafafyrirtækinu KPMG, á endurskoðunarsviði á árunum 2010-2016 og frá árinu 2016 á ráðgjafarsviði.

Valdimar er viðskiptafræðingur frá Háskólanum í Reykjavík með M.Sc. gráðu í fjármálum fyrirtækja og M.Sc. gráðu í reikningshaldi og endurskoðun.