Árni Páll Árnason sigraði Sigríði Ingibjörgu Ingadóttur í formannskjöri Samfylkingarinnar á landsfundi flokksins. Mbl.is greinir frá þessu. Árni Páll fékk 49,49% atkvæða eða 241 atkvæði en Sigríður Ingibjörg 49,28% eða 240 atkvæði. Árni verður því áfram formaður Samfylkingarinnar.
Sigríður Ingibjörg tilkynnti formannsframboð sitt seinni partinn í gær en Árni hefur gegnt formennsku frá landsfundi Samfylkingarinnar 2013 og setið á þingi frá árinu 2007. Sigríður Ingibjörg tók sæti á þingi tveimur árum síðar.