*

miðvikudagur, 20. október 2021
Erlent 6. september 2021 11:42

Varar við framboðsvanda vegna Brexit

M&S telur að bresk stjórnvöld og ESB séu ekki undirbúin fyrir nýrri bylgju af skriffinnsku þegar nýjar Brexit reglur taka gildi

Ritstjórn
Associated Press

Breska verslunarkeðjan Marks & Spencer (M&S) hefur varað við að breytingar á Brexit reglum sem taka gildi í næsta mánuði geti valdið vandræðum á framboði matvæla. Félagið hefur sagt við birgja að bresk stjórnvöld og Evrópusambandið séu ekki viðbúinn fyrir nýrri bylgju af skriffinnsku þegar umþóttunartíma fyrir innflutningsskjöl lýkur. BBC segir frá.

Nýju reglurnar valda því að flutningabílstjórar þurfa að sýna fram á um 700 blaðsíðna skjöl þegar þeir ferðast yfir landamæri. M&S mun hafa varað birgja við vandamálum á borð við skort á eftirliti á nauðsynlegum skjölum. Verslunarkeðjan segir einnig að stjórnvöld hafi ekki þýtt reglur yfir á staðbundin tungumál og að sumar stofnarnir „virðast ekki vita hvers sé þörf á“ frá fyrirtækjum.

M&S segir í bréfinu til birgja að sumar skrifstofur í ESB ríkjum vinni einungis á hefðbundnum vinnutímum, frá mánudegi til föstudags, og muni því ekki ná að halda í við hinn mikla hraða á flutningum yfir landamæri.

Verslunarkeðjan segir að Evrópumarkaðurinn vegi yfir fjórðung af öllum innfluttum matvælum til Bretlands og bætti við að ef nálgunin í þessum málum ráðist ekki af heilbrigðri skynsemi (e. common sense) „þá muni það valda tjóni fyrir alla hlutaðeigandi aðila“.  

Breytingarnar bætast ofan á þegar erfiðar aðstæður á breska matvörumarkaðnum en skortur hefur verið á ýmsum vörum, meðal annars vegna mönnunarvanda.

Stikkorð: Marks & Spencer Brexit M&S