Stærsti liður í 27,2 milljarða hagnaði Landsbanka Íslands á síðasta ári er vaxtamunur. Vaxtamunur af heildareignum er 2,3% og nam hangaðurinn um 24,7 milljörðum. Í tilkynningu segir að munurinn skýrist af því að ávöxtunarkrafa bankans á stóran hluta útlána sem keypt eru af Gamla Landsbankanum er föst, óháð því hvernig innlánsvextir þróast.
Gengishagnaður bankans nam 14,6 milljörðum. Hann varð að mestu til vegna innbyrðist gengishreyfinga erlendra mynta, segir í tilkynningunni. Hagnaður af hlutabréfastöðu bankans nam 7,3 milljörðum á árinu 2010.
Skattar námu 8,2 milljörðum og rekstrarkostnaður bankans nam um 18,5 milljörðum króna.