Vefsvæði Icelandair og Iceland Travel hafa unnið alþjóðlegu verðlaunin WebAward 2013. TM Software hönnuðu og þróuðu vefsvæðin.
Icelandair vann til verðlauna í flokki flugfélaga og hlaut verðlaunin Airline Standard of Excellence. Að auki vann Icelandair til verðlauna í flokki Mobile vefsvæða og hlaut verðlaunin Mobile Standard of Excellence . Iceland Travel hlaut verðlaunin Travel Standard of Excellence í flokki ferðavefsvæða.
Fram kemur í tilkynningu frá Nýherja, móðurfélagi TM Sofware, að keppnin er skipulögð af Web Marketing Association. Í keppninni, sem haldin hefur verið árlega frá 1997, voru yfir 1.500 vefsvæði tilnefnd frá 40 löndum í 96 atvinnugreinum.
