Nýsköpunarverðlaun Samtaka ferðaþjónustunnar voru afhent í gær í húsakynnum samtakanna í Borgartúni. Gestastofan á Þorvaldseyri fékk verðlaunin. Við sama tilefni var nýrri bók, "Það er kominn gestur" - saga ferðaþjónustu á Íslandi, fagnað.
Ragnheiður Elín Árnadóttir iðnaðar- og viðskiptaráðherra afhenti nýsköpunarverðlaunin og veitti fyrstu bókinni viðtöku.
Fjöldi fólks kom á nýsköpunarverðlaunin.
Árni Gunnarsson fékk viðurkenningu fyrir formannsstörf sín á fundinum.
Gestastofan á Þorvaldseyri hlaut Nýsköpunarverðlaun SAF.
Erna Hauksdóttir, fyrrverandi formaður Samtaka ferðaþjónustunnar, ávarpaði gesti.