Áætluð heildarvelta þeirra fyrirtækja sem Atorku Group hf. er kjölfestufjárfestir í árið 2006 er rúmir 80 milljarðar króna og er heildar starfsmannafjöldi þessara fyrirtækja um 4.500. Þetta kemur fram í tilkynningu félagsins vegna ársuppgjörs þess.
Velta félaga að fullu í eigu Atorku á árinu 2006 er áætluð rúmir 30 milljarðar og áætluð EBITDA þeirra tæpir þrír milljarðar króna.
