Velta á skuldabréfamarkaði í janúar síðastliðnum nam 135,8 milljörðum króna og jóskt um 10,3% frá sama mánuði í fyrra samkvæmt viðskiptayfirliti Kauphallarinnar fyrir mánuðinn. Er þetta 13 mánuðurinn í röð sem velta eykst á markaðnum miðað við sama mánuð ári áður. Velta á markaðnum á síðustu 12 mánuðum nemur um 1.413 milljörðum sem um 31,2% hærra en á sama tímabili fyrir ári síðan. Þá hefur veltan á 12 mánaða tímabili ekki verið hærri síðan í maí árið 2017.
Sjá einnig: Hagar og Heimavellir hækkuðu mest
Mest velta á markaðnum var með ríkisbréf eða 90,1 milljarður en þar á eftir komu skuldabréf bankanna með 28,7 milljarða.
Sjá einnig: Veltan jókst um 29 milljarða
Skuldabréfamiðlun Kviku banka var með mestu hlutdeildina í skuldabréfa miðlun í mánuðinum eða 22,1% en þar á eftir kom Íslandsbanki með 17% og Landsbankinn með 15,9%.
Ávöxtunarkrafa bæði verðtryggðra og óverðtryggðra skuldabréfa lækkaði þó nokkuð í janúar en Aðalvísitala skuldabréfa (NOMXIBB) hækkaði um 1,5% í janúar og stendur í 1.616 stigum. Óverðtryggða skuldabréfavísitala Kauphallarinnar (NOMXINOM) hækkaði um 1,7% og sú verðtryggða (NOMXIREAL) hækkaði um 1,19%.
