Hagnaður Ísbílaútgerðarinnar, sem gerir út Ísbíla sem keyra um sveitir og byggðir landsins, nam 6,5 milljónum króna á síðasta ári. Er það um þriðjungur af 19,3 milljóna króna hagnaði ársins 2016, en tekjur félagsins drógust saman á milli ára úr 190,4 milljónum í 174,8 milljónir. Á sama tíma héldust útgjöld félagsins nokkuð óbreytt á milli ára, en þau fóru úr 161 milljón króna í 162,8 milljónir.

Hagnaður félagsins fyrir fjármagnsliði fór úr 29,4 milljónum í tæpar 12 milljónir milli áranna. Eigið fé félagsins jókst á sama tíma úr 20,6 milljónum í rúmar 25 milljónir meðan langtímaskuldirnar lækkuðu úr 17,5 milljónir í 9,1 milljón króna. Handbært fé félagsins jókst á árinu úr 850 þúsund í 3,9 milljónir. Framkvæmdastjóri og eigandi félagsins er Ásgeir Baldursson.