Samræmd vísitala neysluverðs í EES-ríkjum lækkaði í nóvember um 0,2% og var 118,7 stig (1996=100). Á sama tíma var vísitalan fyrir Ísland 131,0 stig, hún lækkaði um 0,4% frá fyrra mánuði. Þetta kemur fram í frétt frá Hagstofunni.

Frá nóvember 2004 til jafnlengdar árið 2005 var verðbólgan, mæld með samræmdri vísitölu neysluverðs, 2,2% að meðaltali í ríkjum EES, 2,3% á evrusvæðinu og 1,1% á Íslandi.

Mesta verðbólga á Evrópska efnahagssvæðinu á þessu tólf mánaða tímabili var 7,5% í Lettlandi, 4,3% á Möltu og 4,0% í Eistlandi. Minnst var verðbólgan 1,0% í Finnlandi og 1,1% á Íslandi og í Póllandi.