*

mánudagur, 24. júní 2019
Innlent 2. mars 2011 13:19

Verð á kjúklingi hækkar

Verð á fóðri hefur hækkað mikið undanfarið og leitt til verðhækkana á kjúklingi. Fóðurkostnaður er um helmingur af heildarkostnaði.

Ritstjórn
Kjúklinur hækkaði um 5% í febrúar og 9% í desember.

Verð á kjúklingi hefur hækkað töluvert í verði undanfarið. Hækkunin í febrúar hjá Holtakjúklingi, sem er stærsti aðili á markaði, var 5% sem bætist ofan á 9% hækkun í desember. Matthías Hannes Guðmundsson, framkvæmdastjóri Holtakjúklings, segir að verð á fóðri drífi hækkanir áfram. Alls nemi fóðurkostnaður um 50-55% af heildarkostnaði.

„Það hafa veirð geysilegar hækkanir á fóðri undanfarin tvö ár. Í raun er verð á kjúklingi ennþá undir þeirri breytingu, sem við höfum að hluta til mætt með aðhaldsaðgerðum. En við þurfum því miður að velta hækkunum áfram út í verðlag,“ segir Matthías í samtali við Viðskiptablaðið.

Hann segir að jafnvel sé búist við frekari hækkununum í maí, þegar nýjar sendingar af fóðurblöndum koma til landsins. „Síðan eru menn vongóðir um að verð lækki eitthvað með sumrinu, að því gefnu að ekki komi til uppskerubrests.“ Matthías óttast þó að hátt fóðurverð sé komið til að vera og verði hátt áfram. Reynt sé að draga úr hækkunum á útsöluverði eins og hægt er en það sé erfitt. Til dæmis hafi hækkun á fóðurverði í febrúar verið 10% og kjúklingur hafi við það hækkað um 5%.

Stikkorð: Kjúklingur
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is