© Aðsend mynd (AÐSEND)
„Evrópusambandið hefur unnið að því síðustu ár að lækka lúkningargjöld á milli fjarskiptafyrirtækja innan ESB og EES svæðisins. Eins hefur verið sett þak á það hvað fjarskiptafyrirtæki mega gjaldfæra fyrir þessa þjónustu,“ segir Gunnhildur Arna Gunnarsdóttir, upplýsingafulltrúi Símans og vísar í tilkynningu til gjaldanna sem fjarskiptafyrirtæki greiða sín á milli fyrir aðgang símtala milli kerfa þeirra.
Í tilkynningunni kemur fram að um næstu mánaðamót lækkar verð viðskiptavina Símans, sem reika á kerfum fjarskiptafyrirtækja innan landa Evrópusambandsins og Evrópska efnahagssvæðisins um 22 prósent, þegar þeir hringja heim.
„Þetta eru frábærar fréttir fyrir viðskiptavini og hefur óveruleg áhrif á afkomu Símans, þar sem gjöld annarra fjarskiptafyrirtækja hafa lækkað í samræmi við okkar. Allir njóta því ágóðans, því nú getum við talað lengur fyrir sama pening og áður og skapað enn sterkara samband okkar á milli.“
Mest lækkar gagnaflutningurinn, eða um 38 prósent. Mestu munar þó um kostnað þegar hringt er í Króatíu en þeir sem þar eru greiða 88,5 krónur í stað 1.990 króna áður.
