Vísitala neysluverðs hækkaði um 0,36% á milli mánaða og hækkar verðbólga við það úr 3,6% í 3,7%, samkvæmt upplýsingum Hagstofunnar. Þetta er ekki í samræmi við spár greiningaraðila sem ýmist spáðu því að verðbólga myndi standa í stað eða fara niður í 3,5%.
Fram kemur í upplýsingum Hagstofunnar um vísitölu neysluverðs að kostnaður vegna eigin húsnæðir hækkaði um 1,4% á milli mánaða.
Ef vísitala húsnæðis er tekin út úr verðbólgutölunum þá mælist 2,9% verðbólga. Undanfarna þrjá mánuði hefur vísitala neysluverðs hækkað um 0,7% og mælist verðbólga samkvæmt því 2,8% á ársgrundvelli.
