Vísitala neysluverðs, miðuð við verðlag í mars 2021, hækkaði um 0,49% frá fyrri mánuði. Ársbreyting vísitölunnar mældist 4,3% í mars, líkt og í janúar síðastliðnum, samkvæmt tölum Hagstofunnar .
Reiknuð húsaleiga hækkaði um 0,9%, sem hafði 0,15% áhrif á vísitöluna, og bensín og olíur hækkuðu um 4,0% sem leiddi til 0,13% hækkunar vísitölunnar.
Vísitala neysluverðs án húsnæðis hækkaði um 0,43% milli mánaða og um 4,8% á ársgrundvelli.
