Verðbólgan í Þýsklandi var lægri í lok maímánaðar en hagfræðingar gerðu ráð fyrir. Þýskaland fylgir þannig Frakklandi og Spáni sem einnig sá minni verðhækkanir en spár gerðu ráð fyrir. Evrópski Seðlabankinn varar þó við því að fagna of snemma og segir evrusvæðið enn á viðkvæmum stað.
Verðbólgan í Þýskalandi féll úr 7,2% í apríl niður í 6,1% í maí sem er meiri hjöðnun en gert var ráð fyrir. Maímánuður var þriðju mánuðurinn í röð í Þýskalandi þar sem verðhækkanir voru minni en hagfræðingar spáðu fyrir um.
Aðgerðir yfirvalda í Þýskalandi til að mæta orkuverðshækkunum eru sagðar hafa hjálpað til við draga úr verðbólgunni en á sama tíma hefur matarkarfan hækkað til muna til samanburðar við maí 2022.
Stýrivextir á evrusvæðinu er nú þegar byrjaðir að bíta og hafa áhrif á heimili og fyrirtæki að mati Evrópska Seðlabankans. Bankinn hefur hækkað stýrivexti um 3,75 punkta frá júlí í fyrra í von um að hægja á verðbólgunni á evrusvæðinu. Hækkunin kom eftir næstum 15 ár af 0% stýrivöxtum í kjölfar efnahagshrunsins 2008.
Verðbólga á evrusvæðinu mældist um 7% í apríl og er búist við stýrivaxtahækkun í júní.
