Nettóeign innlendra aðila í erlendum verðbréfum jókst um 34,7 milljarða króna í mars 2011. Aukningin var mest í erlendum ríkisskuldabréfum eða um 40 milljarðar króna, samkvæmt frétt Seðlabanka Íslands.
Nettóeign erlendra aðila í innlendum verðbréfum jókst um 23,7 milljarða í mars 2011 og skýrist það helst af aukningu eigna í innlendum ríkisskuldabréfum og ríkisvíxlum. Þar afleiðandi voru verðbréfaviðskipti, nettó, milli innlendra og erlendra aðila neikvæð um 11 milljarða króna í mars 2011.
