Vergur gjaldeyrisforði Seðlabankans nam um 505,3 milljörðum króna í lok mars og lækkaði um 9,4 milljarða milli mánaða. Hreinn gjaldeyrisforði, þ.e. erlendar eignir að frádregnum erlendum skammtíma skuldum, nam um 445,2 milljörðum króna í lok mars 2013 samanborið við 457,6 milljarða í lok febrúar 2013.
Nettó útgreiðslur gjaldeyriseigna Seðlabankans og ríkissjóðs fyrir næstu 12 mánuði eru áætlaðar um 60 milljarðar króna miðað við í lok mars 2013 samanborið við 57 milljarða miðað við lok febrúar 2013.
