Vísitala neysluverðs lækkaði um 1% í Bandaríkjunum í október, en það er mesta lækkun hennar á einum mánuði síðan mælingar hófust fyrir 61 ári síðan.
Lækkunin er meiri en greiningaraðilar bjuggust almennt við en 14,2% lækkun bensínverðs í mánuðinum lagði sín lóð á vogarskálarnar.
Á undanförnum 12 mánuðum hefur vísitala neysluverðs hækkað um 3,7% vestanhafs.
Hagfræðingar telja lækkun vísitölunnar í október gefa bandaríska seðlabankanum færi á að lækka stýrivexti enn frekar. Stýrivextir eru nú 1% en búist er við að þeir fari niður í 0,5% í desember nk.
Orkuverð lækkaði um 8,6% í október og Matvöruverð hækkaði um 0,3%.
Reuters greinir frá þessu.
