Ísland er að undirbúa erlenda skuldabréfaútgáfu og hefur ráðið til þess Barclays, Deutsche Bank, JPMorgan Chase og Citigroup. Gefin verða út skuldabréf í evrum til sex ára. Um er að ræða fyrstu erlendu skuldabréfaútgáfu ríkissjóðs í tvö ár, að því er segir í frétt Financial Times.
Ísland þarf að greiða sínar skuldir gagnvart AGS árið 2015 og 2016 og lánin sem fengust frá Norðurlöndum milli áranna 2019-2021.
Samkvæmt upplýsingum frá fjármálaráðuneytinu mun ráðherra ekki tjá sig um málið að sinni.