Búist er við því að Samsung Electronics verji um 14 milljörðum bandaríkjadala, um 1700 milljörðum króna, í markaðssetningu á þessu ári. Í erlendum fjölmiðlum, meðal annars Guardian , er sagt frá því að þetta sé meira en öll landsframleiðslan á Íslandi í ár.
Markaðsverðmæti Samsung nemur 227 milljörðum. Guardian segir að fyrirtækið ætli að halda úti mjög miklu markaðs- og kynningarstafi á næstinu til þess að vörumerkið verði jafn þekkt og Apple.
Guardian segir að mikill fjáraustur í markaðssetningu skili þó ekki alltaf góðri niðurstöðu. Stuttmyndahátíð sem Samsung kostaði og fór fram í Óperuhúsinu í Sidney í síðasta mánuði hafi til dæmis ekki heppnast mjög vel.
