*

miðvikudagur, 4. ágúst 2021
Innlent 25. október 2014 15:19

Verkfall væntanlegt

Um helgina eru engir samningafundir í kjaradeilu lækna og ríkisins boðaðir. Allt stefnir í verkfallsaðgerðir lækna á mánudag.

Ritstjórn
Haraldur Jónasson

Búist er við að læknar hefji verkfallsaðgerðir á miðnætti annað kvöld þar sem engir samningafundir eru boðaðir í kjaradeilu lækna og ríkisins. Á miðnætti annað kvöld á að hefjast tveggja sólarhringa verkfallsaðgerðir lækna. Þetta kemur frá á vef Ríkisútvarpsins. 

Þorbjörn Jónsson, formaður Læknafélags Íslands, segir að fátt komi í veg fyrir verkfall þar sem ekki sé fyrirhugaður samningafundur. „Það er þá mat sáttasemjara og deiluaðila að það sé ekki að draga neitt saman í deilunni, þannig að það sé óþarfi raunverulega að funda,“ segir Þorbjörn aðspurður um hvers vegna engir fundir séu um helgina.