Versta alþjóðlega fjárfestingin að mati bandaríska viðskiptatímaritsins Businessweek eru hlutabréf í spænska bankanum Bankia. Hlutabréf hans lækkuðu um 81% á árinu.
Verstu hlutabréfakaupin meðal stórra félaga í Bandaríkjunum reyndust vera hlutbréf tölvurisans Hewlett Packard, sem lækkuðu um 41% á árinu.
Þeir sem fjárfestu i kaffibaunum vegnaði verst á hrávörumarkaðnum. Kaffi lækkaði um 35% á árinu, aðallega vegna mikillar framleiðsluaukningar í Brasilíu.
Versta hlutabréfaútboðið, að mati tímaritsins, var svo útboð samskiptasíðunnar Facebook. Hlutabréf félagsins lækkuðu um 30% í kjölfar útboðsins.