*

laugardagur, 31. júlí 2021
Innlent 25. mars 2015 08:19

VG vill hverfa frá áformum um olíuvinnslu

Formaður VG segir flokkinn ekki hafa stutt stofnun ríkisolíufélags.

Ritstjórn
Katrín Jakobsdóttir, formaður Vinstri grænna.
Haraldur Guðjónsson

Katrín Jakobsdóttir, formaður Vinstrihreyfingarinnar græns framboðs, segir umræðu innan stjórnmálaflokksins vera með þeim hætti að hún eigi von á því að lagt verði til við landsfund að horfið verði frá áformum um olíuvinnslu á Drekasvæðinu. Morgunblaðið greinir frá þessu,

Í samtali við blaðið segir Katrín þessa stefnubreytingu eiga sér stað vegna skýrslna sem hafi verið að koma út nánast árlega. „Við studdum ekki stofnun á ríkisolíufélagi þegar það var samþykkt,“ segir Katrín en í upphafi árs var frumvarp til laga um stofnun hlutafélags um þátttöku íslenska ríkisins í kolvetnisstarfsemi samþykkt.

Steingrímur J. Sigfússon, fyrrverandi formaður Vinstri grænna, var atvinnuvega- og nýsköpunarráðherra þegar leyfi vegna leitar og vinnslu kolefna á Drekasvæðinu voru undirrituð árið 2013.