„Í umheiminum kallast þetta viðskipti tengdra aðila, við köllum þetta bankastarfsemi,“ sagði Gylfi Zoëga, peningastefnunefndarmaður, um bankakerfið fyrir hrun og uppskar mikinn hlátur í pallborðsumræðum í Hörpu rétt í þessu. Hann segir það vera í eðli Íslendinga að gangast í ábyrgð fyrir skuldum fjármálafyrirtækja og bætti við að það ætti að vera nafn lýðveldisins. „VIð vorum heppin að AGS kom ekki til landsins fyrr því þeir hefðu sennilega bjargað bönkunum,“ sagði Gylfi.