Erling Freyr Guðmundsson, framkvæmdastjóri Ljósleiðarans, segir samninga sem félagið hefur gengið frá á undanförnum mánuðum styðja við framtíðaráform um að efla ljósleiðaranet hringinn í kringum landið. Áformin séu viðbragð við breytingum á fjarskiptamarkaði í kjölfar kaupa Ardian á Mílu. Hann segir þriggja milljarða kaup félagsins á stofnneti Sýnar fjármögnuð með bankaláni á „ágætis kjörum“ og fyrirhuguð hlutafjáraukning tengist kaupunum því ekki með beinum hætti.