Ekkert verður úr kaupum líbanska fjárfestingarhópsins M1 Group og bandaríska fjárfestisins Richard Sharp á bresku fatakeðjunni All Saints sem að hluta til er í eigu skilanefnda Glitnis og Kaupþings. Financial Times greinir frá því í morgun að M1 og Sharp hafi dregið sig úr viðræðum um kaupin en viðræðurnar munu hafa verið komnar í blindgötu.
Eins og fram kom á vb.is í lok febrúar var talið að verðið hefði orðið um 140 milljónir punda.
