Myndir frá Viðskiptaverðlaunum Viðskiptablaðsins 2012

Hin árlegu Viðskiptaverðlaun Viðskiptablaðsins og Frumkvöðlaverðlaun Viðskiptablaðsins voru afhent við hátíðlega athöfn á Grillinu á Hótel Sögu þann 28. des. sl. Björgólfur Jóhannsson, forstjóri Icelandair Group, hlaut Viðskiptaverðlaunin í ár en Jón Ágúst Þorsteinsson, stofnandi og forstjóri Marorku, hlaut Frumkvöðlaverðlaunin.

Líkt og fyrri ár var vel mætt í áramótahófið en sama dag kom út áramótatímarit Viðskiptablaðsins, Áramót, og var útgáfu tímaritsins því fagnað samhliða verðlaunaafhendingunni. Í tímaritinu má meðal annars finna viðtöl við verðlaunahafa auk fjölmargs annars efnis. Þetta er sjötta árið í röð sem tímaritið Áramót kemur út en tímaritið í ár er 196 bls. að lengd. Hér á síðunni má sjá ljósmyndir af viðburðinum. Myndirnar tóku Haraldur Guðjónsson og Eva Björk Ægisdóttir.