Hagnaður Samskipa á síðasta ári nam rúmlega 6,2 milljónum evra, jafnvirði tæplega milljarði króna. Á árinu 2009 var tap af rekstrinum upp á 2,2 milljónir evra. Heildareignir félagsins eru um 52,5 milljónir evra, eða um 8,4 milljarðar króna, og er eiginfjárhlutfallið 40%. Tekjur jukust nokkuð frá fyrra ári. Þær voru um 8,5 milljónum evrum hærri en á árinu 2009. Alls námu þær 114,6 milljónum evra, rúmlega 18 milljörðum króna. Skuldir Samskipa lækkuðu milli ára um rúmlega 4 milljónir evra og voru í árslok 2010 um 55 milljónir evra. Það jafngildir um 7 milljörðum króna á núverandi gengi. Stærsti eigandi Samskipa er Ólafur Ólafsson.