*

þriðjudagur, 15. október 2019
Innlent 30. september 2019 10:50

Viðsnúningur TM allt að 490 milljónir

Fjárfestinga-, og aðrar tekjur Tryggingamiðstöðvarinnar verða neikvæðar um allt að 275 milljónir í stað jákvæðar um 215.

Ritstjórn
Sigurður Viðarsson er forstjóri Tryggingamiðstöðvarinnar.
Haraldur Guðjónsson

Tryggingamiðstöðin hefur sent frá sér afkomuviðvörun þar sem þeir gera ráð fyrir að afkoman verði um hálfum milljarði króna lakari á þriðja ársfjórðungi en áður var ráð fyrir gert.

Spá fyrirtækisins gerði ráð fyrir að fjárfestingatekjur og aðrar tekjur félagsins á tímabilinu muni nema 215 milljónum króna, en miðað við núverandi raunstöðu verða fjárfestingatekjur og aðrar tekjur neikvæðar á 3. ársfjórðungi á bilinu 225-275 milljónum króna.

Það þýðir að afkoman verður á bilinu 440 til 490 milljónum króna verri en áður var talið, en fyrirtækið segir lang stærsta hluta fráviksins skýrast af óvæntri og verulegri niðurfærslu á gengi fasteignasjóðs.

Einnig er vísað til verri afkomu af hlutabréfum og hlutabréfasjóðum sem skýrist af lækkunum á markaði frá því að spáin var gefin út. Þar sem fjórðungurinn er ekki á enda þá er vitanlega nokkur óvissa í framangreindum tölum.