*

laugardagur, 6. júní 2020
Fólk 19. maí 2020 16:50

Vigdís ráðin til Stafræns Íslands

Vigdís Jóhannsdóttir hefur verið ráðin markaðsstjóri Stafræns Íslands.

Ritstjórn
Vigdís Jóhannsdóttir, nýráðin markaðsstjóri Stafræns Íslands

Vigdís Jóhannsdóttir hefur verið ráðin markaðsstjóri Stafræns Íslands. Helsta verkefni Vigdísar verður að leiða innri og ytri markaðs- og kynningarmál verkefnastofunnar með áherslu á vefinn island.is en þetta kemur fram í fréttatilkynningu Stjórnarráðsins.

Vigdís er viðskiptafræðingur að mennt og hefur mikla reynslu af markaðsmálum. Hún starfaði um árabil hjá 365 miðlum og var þar bæði verkefnastjóri á markaðsdeild og kynningarstjóri útvarps. Vigdís hóf störf hjá auglýsingastofunni Pipar/TBWA árið 2009. Þar starfaði hún sem ráðgjafi fyrir fjölbreyttan hóp fyrirtækja og sem aðstoðarframkvæmdarstjóri frá árinu 2017.

Fjármála- og efnahagsráðuneytið setti á fót verkefnastofuna Stafrænt Ísland í upphafi árs 2018. Markmið hennar er aðstoða opinberar stofnanir við að bæta stafræna þjónustu við almenning.