Sameinaði lífeyrissjóðurinn fór fyrir stuttu fram á gjaldþrotabeiðni yfir DV eftir að hafa reynt án árangurs að innheimta um 600 þúsund króna skuld blaðsins við sjóðinn.
Gjaldþrotabeiðnin var þó afturkölluð á síðustu stundu þar sem skuld útgáfufélagsins við lífeyrissjóðinn var gerð upp. Fyrir utan það að skulda tollstjóra umtalsverðar upphæðir voru iðgjöld starfsmanna í lífeyrissjóði einnig í vanskilum, að mestu leyti til hjá Lífeyrissjóði verslunarmanna.
Samþykkt var í dag að auka hlutafé DV um 40 milljónir króna. Ólafur M. Magnússon, stjórnarformaður DV, segir í samtali við Viðskiptablaðið að stærstu hluti hins nýja hlutafjár komi frá núverandi eigendum félagsins.
Nánar verður fjallað um skuldamál og hlutafjáraukningu DV í Viðskiptablaðinu sem kemur út í fyrramálið. Á meðal efnis í blaðinu er :
- Ástæður þess að hlutabréf hækka hratt í verði
- Það blæs köldu á vinnumarkaðnum
- Fjármálafyrirtæki keppast um að miðla skuldabréfum
- Framtakssjóðurinn græðir á Icelandair Group
- Vegferð rafbíla takmarkast við innanbæjarakstur
- Seðlabankinn setur mörkin við 170 krónur
- Davíð Helgason hjá hugbúnaðarfyrirtækinu Unity Technologies ræðir um tæknimarkaðinn í ítarlegu viðtali
- Allt um auglýsingarnar fyrir og eftir áramótaskaupið
- Arnar og Bjarki Gunnlaugssynir í nærmynd
- Óðinn skrifar um uppgjör Seðlabankans
- Huginn & Muninn eru á sínum stað auk Týs sem fjallar um íþróttahús sveitarfélaga
- Myndasíður um nýja bíla og íslenska stjórnarmenn, pistlar og margt, margt fleira
