Kröfur í þrotabú Iceland Express, sem nú heitir IEMI, nema 1,3 milljörðum króna. Hæstu kröfurnar eru frá tékkneska flugfélaginu Holidays Czech Airlines upp á um 600 milljónir króna. Flugfélagið leigði Icelandair Express tvær Airbus A320 farþegaflugvélar í kjölfar þess að breska flugfélagið Astraeus, sem hafði gert það áður, fór í slitameðferð í nóvember árið 2011.
Tugir hafa jafnframt gert kröfu í búið, bæði fólk og fyrirtæki. Auk þessa hafa upp á síðkastið borist nokkrar lágar erlendar kröfur sem hugsanlega komast að í kröfuröðina.
Ástráður Haraldsson, skiptastjóri þrotabús Iceland Express, segir ekki búið að taka afstöðu til allra krafna. „Það var ekki ljóst framan af hvort eitthvað myndi koma upp í þær. En nú er ljóst að það verður eitthvað. Það er auðvitað ekki ljóst hversu mikið,“ segir hann.
Gjaldþrota í fyrra
Iceland Express hafði háð harða samkeppni á lággjaldaflugmark aði við Wow air, sem Skúli Mogen sen stofnaði árið 2012. Um haust ið sama ár tók Wow air yfir allan rekstur Iceland Express auk leiðarkerfis, vörumerkis og viðskiptavildar. Í kjölfarið var samningum við Holidays Czech Airlines rift og leiguþotunum skilað. Punktur var settur aftan við sögu Iceland Express þegar óskað var eftir skiptum á félaginu í mars í fyrra.
Nánar er fjallað um málið í Viðskiptablaðinu. Áskrifendur geta nálgast blaðið hér að ofan undir liðnum tölublöð .