Þingsályktunartillaga var lögð fram á Alþingi á fimmtudag þar sem lagt er til að ríkisstjórnin stuðli að því á alþjóðavettvangi að komið verði á skatti á fjármagnshreyfingar. Fjallað er málið í Morgunblaðinu í morgun.
Þá er einnig lagt til að fjármálaráðherra skipi starfshóp sem hefði það hlutverk að kanna hvort fýsliegt sé að leggja skattinn á Íslandi í byrjun árs 2017.
Flutningsmenn tillögunnar eru Ögmundur Jónasson, Valgerður Bjarnadóttir, Frosti Sigurjónsson og Birgitta Jónsdóttir.
Skatturinn er kenndur við James Tobin prófessor í hagfræði við Yale-háskóla sem lést árið 2002.