Allir þingmenn Pírata hafa lagt fram þingsályktunartillögu sem snýr að útvíkkun á skilgreiningu lágskattaríkis. Tillaga Pírata er í fjórum liðum.
Í fyrsta lagi leggja Píratar til að skilgreining á á lágskattaríki verði víkkuð út þannig hún verði ekki bundin við svæði þar sem tekjuskattur af hagnaði aðila er tveir þriðju hlutar þess skatts sem hefði verið lagður á hér á landi heldur taki einnig til svæða sem veita íslenskum stjórnvöldum ekki nauðsynlegar upplýsingar fyrir framkvæmd skattalöggjafar.
Í öðru lagi er lagt til að fjármála- og efnahagsráðherra birti lista yfir ríki og lögsagnarumdæmi sem líkleg eru til að falla undir skilgreiningu á lágskattaríki.
Í þriðja lagi leggja Píratar til tilkynningarskylda til skattyfirvalda um beina og óbeina eignarhluteild í lögaðilum á lagskattaríkjum verði lögð á.
Í fjórða lagi leggja þeir til að greitt skuli sérstakt eftirlitsgjald í ríkissjóð vegna beinnar og óbeinnar eignarhlutdeildar í lögaðilum í lágskattaríkjum.
