Eigendur 38,18% B-hluta í Sláturfélagi Suðurlands hafa lagt fram tillögu um að greiddur verði út meiri arður en stjórn félagsins hefur lagt til.
Stjórnin leggur til að greiddur verði 10% arður, en heimild er fyrir því í samþykktum félagsins aðgreiða 15% arð á höfuðstól hluta í B-deild stofnsjóðsins auk verðbóta. B-hlutum í SS fylgir ekki atkvæðisréttur á aðalfundi, en B-hlutirnir fá hins vegar þær arðgreiðslur sem greiddar eru úr félaginu. Eigið fé SS samstæðunnar er nú tæpir fjórir milljarðar króna, en ef tillagan verður samþykkt mun arðgreiðslan verða um níu milljónum króna hærri en ella.
