Í frétt á vef mbl.is er haft eftir Eiríki Ingvari Ingvarssyni, framkvæmdastjóra Somos ehf., að fyrirtækið hafi sent erindi til Mosfellsbæjar og óskað eftir leyfi til að setja upp starfsmannabúðir í bænum. Tilgangurinn með þessu er að sögn Eiríks Ingvars tvíþættur; að skapa almennilegt búsetuúræði fyrir erlenda starfsmenn fyrirtækisins og hins vegar að létta á þrýstingi á fasteignamarkaði.
Erindið var sent til umhverfissviðs bæjarins til umsagnar á fimmtudaginn. Í því kemur fram að félagið hafi útvegað stórum verktökum iðnaðarmenn frá Póllandi. Í því ástandi sem ríkir á húsnæðismarkaði hafi þurft að afla húsnæðis fyrir umrædda starfsmenn annaðhvort utan höfuðborgarsvæðisins eða í húsnæði sem kosti umtalsvert meira en starfsmennirnir eru tilbúnir að greiða.
