Í tilkynningu frá borgarstjórnarflokki Sjálfstæðisflokksins er lögð áhersla á að rekstraröryggi Reykjavíkurflugvallar í Vatnsmýri verði tryggt í núverandi mynd sem miðstöð innanlandsflugs og sjúkraflugs á meðan aðrir kostir eru rannsakaðir betur.
Skýrsla Rögnunefndarinnar svokölluðu var kynnt á fundi borgarráðs í dag, en hún skoðaði flugvallarkosti á og í kringum Höfuðborgarsvæðið. Ekki var tekið til umræðu í nefndinni áframhaldandi innanlandsflugvöllur í Vatnsmýri né að flytja innanlandsflug til Keflavíkur.
Borgarstjórnarflokkur Sjálfstæðisflokksins segir að sá kostur sem nefndin hallast helst að í Hvassahrauni þarfnist miklu meiri rannsókna áður en hægt er að skera út um raunhæfni þess kostar. Flugvöllur í Vatnsmýri sé eins og staðan er í dag eini raunhæfi kosturinn.
