Óttar Guðjónsson, framkvæmdastjóri Lánasjóðs sveitarfélaga, hefur boðið sig fram til stjórnar Glitnir HoldCo. Glitnir Goldco er nýja eignaumsýsluhaldsfélagið sem heldur utan um eignir Glitnis eftir samþykkt nauðasamninga. Hann leggur einnig til breytingar á dagská aðalfundarins þannig að kosið verði um laun stjórnarmanna áður en kosið er í stjórn.
Athygli vekur að hann leggur til að laun stjórnarmanna lækki um 90%. Almenn stjórnarlaun muni þá lækka úr 350.000 evrum, eða um 50 milljónum, í 35.000 evrur, um fimm milljónir.
Hann leggur einnig til að laun formanns stjórnar muni lækka úr 525.000 evrum í 70.000 evrur, eða úr 70 milljónum í tæpar 10 milljónir.
Hann segir að laun hans séu í fullu samræmi við það sem best gerist hjá skráðum félögum í Kauphöll Íslands.
„Glitnir HoldCo er íslenskt félag, byggt á þrotabúi íslensks almenningshlutafélags. Það að slíkt félag greiði stjórnarmönnum tíföld laun á við það besta sem gerist almennt í landinu er tillitsleysi við aðstæður og samfélagið sem félagið starfar. Verið getur að fyrstu skrefin í stofnun félagsins hafi gert miklar kröfur til stjórnarmanna og en nú ætti að vera tækifæri til að lagfæra það.“
