*

mánudagur, 26. júlí 2021
Innlent 20. október 2014 19:00

Vill vita hvort til stendur að selja einingar RÚV

Björn Valur Gíslason vill vita hvort farið hefur fram verðmat á deildum Ríkisútvarpsins og hvort til stendur að selja hluta eða heild.

Ritstjórn
Björn Valur
Haraldur Guðjónsson

Björn Valur Gíslason, varaþingmaður Vinstri grænna, vill fá upplýsingar um það frá menntamálaráðherra hvort hann áformi að leita heimildar Alþingis til að selja Rás 2, aðrar deildir eða einingar Ríkisútvarpsins eða Ríkisútvarpið í heild. Björn Valur lagði fram fyrirspurn þess efnis á Alþingi í dag.

Björn Valur spyr líka hvort farið hafi fram verðmat á eignum deildanna sem um ræðir og hvert áætlað söluverð þeirra sé. Þá vill hann að Illugi Gunnarsson mennta- og menningarmálaráðherra svari því hvort hann eða embættismenn hjá ráðuneytinu hafi rætt við eða átt í samskiptum við hugsanlega kaupendur.