Vinnslustöðin hefur keypt uppsjávarskipin Ingunni AK 150 og Faxa RE 9 af HB Granda. Að auki kaupir Vinnslustöðin 0,67% aflahlutdeild í loðnu. Þetta kemur fram í tilkynningu frá HB Granda til Kauphallarinnar.
Í tilkynningunni segir að verðið fyrir skipin og aflahlutdeildina sé 2.150 milljónir króna. Samningurinn er gerður með fyrirvara um samþykki stjórna beggja félaganna og ástandsskoðun á skipunum.
Félögin eru bæði meðal stærstu sjávarútvegsfyrirtækja landsins. HB Grandi hf. er stærsta sjávarútvegsfyrirtækið, ef miðað er við aflaheimildir í þorskígilidstonnum. Næst kemur Samherji, Síldarvinnslan er þriðja og Vinnslustöðin fjórða stærsta.