Skopmyndateiknarinn Halldór Baldursson sér hlutina oft í öðru og skondnara ljósi en við hin. Í hverri viku ársins hefur birst eftir hann teikning í Viðskiptablaðinu þar sem hann skopstælir atburði líðandi stundar. Hér fylgja með þær fimm myndir sem voru vinsælastar á árinu. Hægt er að sjá myndirnar sem enduðu í 6.-10. sæti með því að smella hér .
1. Neitar að vera krútt - 28. mars
Framganga VR í kjarabaráttunni vakti athygli á árinu.
2. Ekkert Evrópustopp hér - 3. janúar
Ýmsir horfa hýru auga til Evrópusambandins með þeirri von að innganga geti lagað hina og þessa vankanta hér á landi.
3. Ferðaþjónustan „rær lífróður“ - 4. júlí
Það syrti í álinn hjá ferðaþjónustunni í kjölfar falls Wow air auk þess að á tímabili virtust kröfur í kjarasamningaviðræðum ætla að verða þungur baggi.
4. Happdrættið á húsnæðismarkaði - 28. febrúar
Það að eignast eigið húsnæði getur reynst mörgum þungur baggi.
5. Aðskilnaðarkvíði vælukjóa - 19. janúar
Það dró til tíðinda í Bretlandi, bæði vegna vandræðagangs við útgöngu Breta úr Evrópusambandinu en einnig þegar skipt var um hest í miðri á þegar Boris Johnson tók við af Theresu May sem leiðtogi Íhaldsflokksins og þar með sem forsætisráðherra landsins.