Hlutabréf matvælaframleiðandans Bakkavarar, sem skráð eru í kauphöll London, hafa lækkað um 47% það sem af er ári. Markaðsvirði félagsins er nú um 449 milljónir punda – andvirði 77 milljarða króna.
Hlutabréf Bakkavarar voru skráð í kauphöll síðla árs 2017 á genginu 19 pundum. Örfáum mánuðum síðar náðu bréfin hápunkti í 21 pundi en hafa jafnt og þétt lækkað síðan þá. Bréfin náðu sögulegri lægð í september á þessu ári í 4,9 pundum og hafa hækkað um 60% síðan þá.
- Sjá einnig: Bakkavör lokar í Wuhan
Bréf félagsins lækkuðu um 1,7% í viðskiptum gærdagsins en titringur var á mörkuðum hérlendis sem og erlendis í gær. Ástæðuna má meðal annars rekja til COVID. Á meðal stórra hluthafa í Bakkavör eru bræðurnir Ágúst og Lýður Guðmundssynir.
