Vísitala byggingarkostnaðar reiknuð um miðjan júlí 2017 er 132,6 stig og hækkar um 0,8% frá fyrri mánuði. Þetta kemur fram í frétt Hagstofu Íslands.

Vinnuliður byggingarvísitölunnar hækkaði um 1,3% (áhrif á vísitölu 0,5%). Verð á innfluttu efni hækkaði um 1,0% milli mánaða (0,2%) og innlent efni hækkaði um 0,3% (0,1%). Á síðustu tólf mánuðum hefur vísitala byggingarkostnaðar hækkað um 0,7%. Vísitalan gildir í ágúst 2017.