*

þriðjudagur, 25. júní 2019
Innlent 16. maí 2017 16:20

Vísitala íbúðarverðs hækkar

Vísitala íbúðarverðs hefur hækkað um 22,7% á síðustu tólf mánuðum.

Ritstjórn
Haraldur Guðjónsson

Vísitala íbúðaverðs á höfuðborgarsvæðinu var 564,2 stig í apríl 2017 og hækkaði um 2,2% frá fyrri mánuði. Þetta kemur fram í tilkynningu frá Þjóðskrá íslands.

Vísitalan sýnir breytingar á vegnu meðaltali fermetraverðs á höfuðborgarsvæðinu.

Síðastliðna þrjá mánuði hefur vísitalan hækkað um 7,5%, en hækkunin nemur um 12,5% síðastliðna sex mánuði. Ef litið er til ársins eða síðustu tólf mánaða hefur vísitalan hækkað um 22,7%.

Íbúðarhúsnæði er skipt í flokka eftir stærð og hvort það telst fjölbýli eða sérbýli. Reiknað er meðalfermetraverð fyrir 9 flokka íbúðarhúsnæðis.

Niðurstaðan er vegin með hlutdeild viðkomandi flokks í heildarverðmæti á markaði miðað við undangengna 24 mánuði.

Stikkorð: Þjóðskrá Markaðir Ísland
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is